منتدى سوادالعين الرومانسية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


 
الرئيسيةأحدث الصورالتسجيلدخول

 

 ابوذيات حسينية

اذهب الى الأسفل 
كاتب الموضوعرسالة
ذياب الخزاعي
مدير
مدير
ذياب الخزاعي


عدد المساهمات : 19
تاريخ التسجيل : 07/12/2012
العمر : 54

ابوذيات حسينية Empty
مُساهمةموضوع: ابوذيات حسينية   ابوذيات حسينية I_icon_minitimeالسبت ديسمبر 15, 2012 4:08 pm


لله كل دعوتي وقبل الدعاء احمد
وعليه اقسم قسم بالمصطفى احمد
كضيت عمري جزر مامر شفت احمد

ودنياي وي ناصبي يا صاح جارت علي
يا روحي كفي الحزن والراس خلي علي
عبره اخذي من الوصي طلكهه كبلج علي

ما غرته دنيته حين اصبحت زهره
ويا روحي مامش شهد كل دنيتج زهره
بجور وهظم كوضت مظلومه يالزهره

نكصد بقيع الحزن ونزور يمته الحسن
ويا ربي ما مر وكت ويانه نوبه حسن
دين آل طه فخر يا لايمي واحسن

هالدين خير العمل من احسن ولحسين
منهل شفاعه الي دنيه وحشر لحسين
ابكل كلب والنبي باقي عزه لحسين

شما تركع بدنيتك وشما تظل سجاد
وابني جوامع ذهب وافرش ذهب سجاد
ما ينفعك بالحشر بس وكفت السجاد

حق الولايه العلي يالايمي باقر
وبكل علم يلمت بيه الوصي باقر
ويه الانصاري النبي سلم على الباقر

ويامن توالي علي سير بعهد صادق
الدسكره البالحشر بيهه علي يصادق
من امي اناه ارضعت حب جعفر الصادق

بحبهم يهون الحزن والغيضي اظل كاظم
وهالحب لاينجلي ولا فكر كاظم
ولو عسرة حاجتي اتعنه للكاظم

يالايمي بحبهم هاك العظم رضه
وقابل تكطع الكلب بهل الحب انه ورضه
يندار يمته الوكت ونزور يمته الرضا

حاتم الطائي ذبح لضيوفه بس جواد
وحسين كل عيلته دين وشرف وجواد
روحي وحياتي نذر لمحمد الجواد

يا عيني كفي الدمع بسج بعد هادي
بدين ال طه ثبت الرب العرش هادي
وصبيه دم الدمع لمصيبة الهادي

ياروحي وبكل حزن لآل النبي عسكري
التاريخ يذكر لمن صاح البغي عسكري
نزلت املاك السمه لمن دعى العسكري

يالايمي شضل بعد مالك علي حجه
لومك تعرفه حقد من بظهر الحجه
كوم اكصد الكربله بكل خطوه الف حجه

ولا تحزن بدنيتك ولالا تضل عباس
كل الحوايج تفل من تكصد العباس
تالكا لكل معضله راعي العلم عباس

الدنيه لأهل الرده عدله وتجي ميسره
اليمنه شيعة علي والضدته ميسره
اقسم بظلع ام حسن والراحت ميسره

بالنار والجنه علي هوه الذي قاسم
وبالجنه كل شيعته رب العرش قاسم
اتزور جن الرضا من تكصد القاسم

ويا زائر اكناف الحمى كوم ابتدي بمسلم
العاداه لا والنبي ما ينحسب مسلم
يشفع سفير الهدى للزاره ومسلم

هذا كلام النبي المصطفى الاحمد
الرجوع الى أعلى الصفحة اذهب الى الأسفل
https://moaod999.rigala.net
 
ابوذيات حسينية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى سوادالعين الرومانسية :: قسم الثقافي والادب :: قسم الشعرالشعبي-
انتقل الى: