يهزني الشوﮒ
يهزني الشوگ ليك ... وروحي بلهفة المشتاگ تدعيلك
ياورده بغصن مزروع وسط الروح ...
وﭼـفوفي بلهيب الصيف تسـﮕيلك
ياعنبر شتال وريحتك فاحت ...
ياريحة العنبر ماكو من طيبك
اجس روحي بتوالي الليل ...
والـﮕيها تغنيلي بمواويلك
يمن ﮔلبي الماعرف غيرك طعم للشوگ
شوصفلك غرامي وياك واحـﭼيلك
بوسط الـﮕلب ضميتك فلا ندمان
وﭼفوفي بحنان الحب تباريلك
انت الناي وانت الشعر وانت الكاس
وروحي بزحمة المامش تناغيلك
يصفحة مستحه وصفحة خجل مضموم
وخجلان الورد ودموعه تبـﭼيلك
ياهالة ضوه تنور طريقي بليل
وﮔلبي بهندس الظلمات يضويلك
خذت شوﮔـي على ﭼفي ودوريتك طيف
وردت ﮔلبي ولو بالطيف يشكيلك
يافرحة ﮔلب غافي على رمش العين
بس ترمش.. يطيح الـﮕلب وي دمعات البعينك
شاعر الاهوار