الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 انه شاعر خزعلي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ذياب الخزاعي
مدير
مدير
avatar

عدد المساهمات : 19
تاريخ التسجيل : 07/12/2012
العمر : 47

مُساهمةموضوع: انه شاعر خزعلي   السبت ديسمبر 15, 2012 3:56 pm

انه شاعر خزعلي


اكتب ابذاكره تاريخ الشعوب العلني
انه شاعر خزعلي
المع بنص الظلام .. وأماي كاسي من الحقائق والاوهام
من أريد اختم بداية ومن ابدي ختام
انه طبعي النخل واطباع الحمام ..
ابهيده ويه الروح ترفه وماتحب غير السلام
انه مايوكف مداري وزمني
انه شاعر خزعلي
انه نيشاني الكمر واهس امبحر على شراع الخطر
انه حزني الطين واجروحي المطر
انه كلبي جرف ضامي وغيرتي وعمري نهر
انه اعمامتي وبيريتي وعكالي فخر ..
صوتي ضميري .. وسري عزة نفسي .. ومعاناتي صبري ..
حضني أمي .. وصيتي أبوي .. وعين صاحبتي غنوتي وشجني
انه شاعر خزعلي
انه هلهوله ونواعي وانه ضيجي بكد وساعي
الدنيه من اتضيج افرش ضيمهه
وتخفه على سباحه اذراعي
دفتر الكل قصه تطريهه المدينة
وطور ناي ..
اخضر مثل عشب المراعي
عيني جانون اليدلي اضيوفه بيه
وقلمي حد للمايعرف احدود كاعي
انه ماعون الكرم وانه الرغيف
اليكبر اشما كصه وياه جف السنين
انه دمعه مالحه وعركه جبين
انه عين .. وسيف وبد لذل منحني
انه شاعر خزعلي


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://moaod999.arabepro.com
 
انه شاعر خزعلي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى سوادالعين الرومانسية :: قسم الثقافي والادب :: قسم الشعرالشعبي-
انتقل الى: